„Mörg ljón á veginum“

Ný tilraunastöð Carbfix til kolefnisförgunar hefur verið tekin til notkunar við virkjun Orku náttúrunnar í Nesjavallavirkjun. Stöðin er mikilvægt skref í átt að sporlausri framleiðslu jarðvarmavirkjanna í nálægri framtíð.

Stöðin er tímabundin stöð en hægt er að færa hana og nýta á nýjum stað þegar varanleg stöð leysir hana af hólmi. Stöðin afkastar um þremur þúsundum tonna af koldíoxíði á ári.

Eitt af markmiðum verkefnisins er að leggja grunn að fullri hreinsun á CO₂ og H ₂S frá Nesjavallavirkjun síðar meir, með varanlegri hreinsistöð sem áætlað er að verði komin í notkun árið 2030. 

Reynslan af stöðinni verður síðan nýtt til að uppbyggingar á nýrri stöð í Þeistarreykjavirkjun og í Hellisheiðarvirkjun, þar sem fyrsta stöðin tók til starfa árið 2012. Hellisheiðarvirkjun hefur verið leiðandi í kolefnisförgun til þessa og stefnir að sporlausri framleiðslu árið 2025, með stöð Carbfix.  

Frétt af mbl.is

Tífalda afköst til föngunar og förgunar

Kolefnisförgunarstöðin á Nesjavöllum. Arnþór Birkisson

Ekki gengið snurðulaust fyrir sig

Dr. Sandra Snæbjörnsdóttir segir þetta tiltekna verkefni ekki hafa gengið snurðulaust fyrir sig. „Það hafa verið mörg ljón á veginum“ segir Sandra og hlær. Hún segir verkefnastjórann,  Nökkva Andersen, hafa verið hent út í djúpu laugina, en ytri aðstæður hafi gert ýmis ferli töluvert erfiðari.  

„Sérstaklega ytri aðstæður gerðu okkur erfitt fyrir. Fljótlega eftir að við settum þessa vinnu í gang brast COVID á og því fylgdu mjög margar áskoranir.“ Sandra segir stríðið sem brast út í Úkraínu í lok faraldurs hafa bætt gráu ofan á svart fyrir verkefnið.

„Það hefur verið mun erfiðara að fá ýmis aðföng, hlutir sem maður getur venjulega farið og sótt upp í hillu, höfum við þurft að bíða eftir í marga mánuði þannig það hefur líka verið mikil áskorun, fyrir utan það að það er alltaf áskorun að gera hlutina í fyrsta skipti. Það tekur stundum smá á þolinmæðina, en þess vegna erum við líka mjög glöð í dag,“.

Frá vinstri: Dr. Sandra Snæbjörnsdóttir, yfirmaður kolefnisbindinga, Nökkvi Andersen, verkefnastjóri, og Ólafur Teitur Guðnason, kynningarfulltrúi, fyrir framan nýju stöðina. Arnþór Birkisson

Ísland gæti tekið við öllu koldíoxíði veraldar

Takist Carbfix að binda losun frá öllum jarðvarmavirkjunum Íslands, myndi magnið nema um 15 prósent af þeirri losun sem þarf að draga úr til að ná loftlagsmarkmiðum Íslands, að sögn Ólafs Teits Guðnasonar, kynningarstjóra Carbfix.

Carbfix tók á móti sögulega stórum styrk úr Nýsköpunarsjóði Evrópusambandsins, vegna verkefnis í Straumsvík. Mark­mið verk­efn­is­ins er að fanga CO₂ úr út­blæstri frá iðnaði í Evr­ópu og flytja með skip­um til Straums­vík­ur þar sem því verður dælt í geymslutanka og seinna í gljúpan íslenskan jarðveg. En tæknilega séð gæti Ísland tekið við öllu koldíoxíði veraldar, þó ekki séu áform um slíkt, að sögn Ólafs Teits Guðnasonar, kynningarstjóra Carbfix.

Frétt af mbl.is

Carbfix hlýtur 16 milljarða styrk frá ESB

Frétt af k100.is

Gætu komið allri losun mannkyns fyrir í berggrunni Íslands

Carbfix kolefnisförgunaraðferðin blandar gastegundum eins og CO₂ og H ₂S í vatn og sem býr til eins konar sódavatn. Sódavatninu er dælt ofan í berlög í íslenskum jarðveg, en mest megnið af íslensku bergi er af basalt tegundinni.  Koldíoxíð- og brennisteinssódavatnið síast inn í litlar holur bergsins og kristallast í steindir eins og glópagull og kalsít, og geymir þannig gastegundirnar varanlega í jarðveginum.

Basalt er gljúp bergtegund, en gastegundum í er dælt í fljótandi formi í jarðveginn, þar sem þær verða að steindum í holum bergsins. Arnþór Birkisson

Skoða nýtingu á sjávarvatni í stað ferskvatns

Carbfix hefur þess að auki hafið tilraunadælingar í Helguvík, þar sem notast er við sjávarvatn í stað ferskvatns til að leysa upp gösin.

Gangi verkefnið upp gæti það þýtt gríðarlega mikilvægt skref í kolefnisförgun á svæðum sem skortir ferskvatn. Sandra segir einnig áhugavert að skoða niðurdælingar á hafbotni, en hann er nær eingöngu basalt, og þannig mögulegt að gera öfugt við olíuborpalla.

• Blogga um frétt