Ruddust inn í verslunina eftir lokun

Lögreglan á höfuðborgarsvæðinu hefur ekki fundið þá sem ruddust inn í verslun á Dalvegi í Kópavogi vopnaðir hamri og kúbeini og höfðu með sér á brott peninga úr peningakassanum fyrr í vikunni.

Frétt af mbl.is

Rændu verslun vopnaðir hamri og kúbeini

Að sögn Gunnars Hilmarssonar aðalvarðstjóra er málið í rannsókn hjá rannsóknardeild lögreglunnar á höfuðborgarsvæðinu. Nýbúið var að loka versluninni á þriðjudagskvöld og starfsmaður enn inni þegar ránið átti sér stað. Starfsmanninum var haldið niðri og hlaut hann áverka í and­liti eft­ir árás­ina.

Rannsaka upptökur

Lögreglan hefur undir höndum upptökur úr eftirlitsmyndavélum sem voru í versluninni og er verið að rannsaka þær.

Búið er að ræða við starfsmanninn sem var beittur ofbeldinu. Gunnari segir að áverkar hans hafi verið einhverjir en ekki alvarlegir.

• Blogga um frétt