Á rafhlaupahjóli með þrjá stóra bjóra

Óskað var eftir aðstoð lögreglu um áttaleytið í gærkvöldi eftir að karlmaður á fertugsaldri hafði misst stjórn á rafhlaupahjóli og dottið.

Samkvæmt upplýsingum frá lögreglu var mikil áfengislykt af manninum og var hann með þrjá stóra bjóra í vösunum.

Sár á höfði og gagnauga

Maðurinn hlaut sár á höfði og vinstra gagnauga og var fluttur með sjúkrabíl á bráðamóttöku til frekari aðhlynningar.

Atvikið átti sér stað við Síðumúla í Reykjavík og um leiguhjól var að ræða.

• Blogga um frétt