Þrír fá 150 þúsund og níu fá 100 þúsund

Lottópotturinn verður tvöfaldur næsta laugardag þar sem enginn var með allar tölurnar réttar í útdrætti kvöldsins.

Þrír heppnir miðaeigendur skiptu með sér bónusvinningnum og fær hver þeirra rúmar 153 þúsund krónur. Miðarnir voru keyptir á lotto.is, Olís við Ánanaust í Reykjavík og einn miði er í áskrift.

Enginn var með allar tölur réttar í réttri röð í Jóker kvöldsins en níu voru með 2. vinning og fá 100 þúsund krónur hver.

Einn miði var keyptur á lotto.is, einn í Vídeómarkaðinum að Hamraborg í Kópavogi og sjö miðanna eru í áskrift.

• Blogga um frétt