„Viljum ekki að fólk láti lífið með þessum hætti“
Setja bókamerki
Bænastund var haldin í Landakotskirkju í Reykjavík í dag til styrktar fjölskyldu og vinum mannsins sem lést á bílastæði Fjarðarkaupa í Hafnarfirði á fimmtudag. Tilgangur hennar var að kalla fólk saman til þess að sameinast á erfiðri stundu.
Kristófer Gajowski, skipulagsstjóri Support for Ukraine Iceland, boðaði til bænastundarinnar. Hann segir vel hafa gengið og marga Íslendinga og Pólverja hafa mætt til að styðja fjölskylduna. Þá hafi margir Hafnfirðingar boðið fram aðstoð sína.
Bænastundin var sérstaklega hugsuð til styrktar móður hans sem var viðstödd bænastundina.
Hinn látni var 27 ára
Maðurinn, sem var pólskur, var 27 ára og átti eina tveggja ára dóttur, að sögn Kristófers.
Fjórir voru úrskurðaðir í gæsluvarðhald í gærkvöldi vegna andlátsins og eru allir undir tvítugu. Hann segir móðurina ekki vera reiða foreldrum þeirra sem eru í varðhaldi, en sorgin sé gríðarlega mikil.
Maðurinn var kaþólskur og var bænastundin þess vegna haldin í Landakotskirkju. Andlátið hefur tekið mikið á kaþólska samfélagið, sem og pólska samfélagið á Íslandi.
„Að mínu mati er kirkjan til þess að gefa okkur von og styrkja okkur. Við viljum ekki samþykkja svona háttsemi og við viljum ekki að fólk láti lífið með þessum hætti.“
Kristófer vill að lokum þakka íslensku samfélagi og þeim sem komu saman í kirkjunni í dag.
„Við þurfum sem samfélag að standa saman.“
Mæðgur dæmdar til að greiða 64 milljónir
„Má segja að þetta gos hafi þjófstartað“
Fullvissa ferðamenn um að hér sé öruggt
Hótar Bretum og Bandaríkjamönnum
Yfir 300 stæði fóru undir hraun
Líklega komin á seinni hluta hrinunnar í Svartsengi