Innlent | Morgunblaðið | 23.4.2023 | 16:00

Lætur 17 ára gamlan bílinn duga úr þessu

Stórfjölskyldan fylgdi Eiríku Kristínu Þórðardóttur, sem er í hvítum jakka fyrir miðri mynd, í sólina.

„Er þetta pípulagningamaðurinn?“ spurði Eiríka Kristín Þórðardóttir upplitsdjörf þegar Morgunblaðið hafði samband við hana í vikunni.

„Fyrirgefðu,“ sagði hún ekki eins áköf, þegar annað kom í ljós. „Ég á nefnilega von á pípara,“ hélt hún áfram og bætti við að auk þess væri önnur rúðuþurrkan á bílnum biluð og hún væri að bíða eftir að fá að vita hvort hún fengi stykki sem vantaði á viðráðanlegu verði. „Það kostar annars tugi þúsunda.“

Eiríka fagnaði 95 ára afmælinu í Reykjavík 28. mars og skömmu síðar hélt stórfjölskyldan að einum dóttursyni undanskildum, alls 47 manns, til Tenerife, þar sem hún naut lífsins í viku.

„Þórunn dóttir mín skipulagði túrinn vel. Við fengum sól alla daga, ég var sótt í morgunverð á morgnana og mér skilað inn í öryggið aftur á kvöldin.“

Lesa má meira í Morgunblaðinu sem út kom í gær, laugardag.