Héraðsskjalasafn Kópavogs verður lagt niður og Kópavogsbær hyggst fara í samvinnu við Þjóðskjalasafn um að taka við safnkostinum. Þetta var samþykkt á fundi bæjarstjórnar Kópavogs í dag. Þar voru tillögur bæjarstjóra að nýjum sóknarfærum í starfsemi menningarhúsa Kópavogsbæjar samþykktar, eins og það er orðað á vef bæjarins.

Frétt af mbl.is

Segir skýrsluna markast af einsýni

„Meðal þess sem felst í tillögunum er frekari samþætting á starfsemi menningarhúsanna samfara því sem fjármunum verður forgangsraðað með öðrum hætti. Gert er ráð fyrir nýju upplifunar- og fræðslurými á fyrstu hæð Bókasafns Kópavogs sem tekið verður í notkun á árinu 2024. Rík áhersla verður lögð á viðburði, sýningar og fræðslu þar sem bókmenntir, myndlist, náttúruvísindi og tónlist mætast í einu og sama rými sem miðar við börn og fjölskyldur,“ segir í tilkynningu bæjarins. Þar kemur jafnframt fram að stöðugildum menningarhúsa í bænum fækkar úr 33 í 29.

„Safneign Náttúrufræðistofu, fræðsla, miðlun og rannsóknir á henni mun færast undir forstöðumann Gerðarsafns. Önnur rannsóknarstarfsemi á Náttúrufræðistofu og vöktun á vatnalífríki verður lögð niður og færð öðrum í samstarfi við Kópavogsbæ,“ segir þar ennfremur.

Frétt af mbl.is

Spara á í rekstri menningarhúsa

„Fyrirhugaðar breytingar fela í sér mikil tækifæri, menningarhúsin eru flaggskip bæjarins og mikilvægt að starfsemi þeirra sé í takt við tímann. Við breytingarnar verður lögð áhersla á að auka enn frekar aðdráttarafl menningarhúsanna með því að fara nýjar leiðir og forgangsraða fjármunum betur í þágu bæjarbúa.“ segir Ásdís Kristjánsdóttir, bæjarstjóri Kópavogs, í tilkynningu.

Tengdar fréttir

Lokanir héraðsskjalasafna

Alvarleg og óskiljanleg atlaga

• Öllum náttúrufræðingum sagt upp
• Hætta á að menn­ing­ar­verðmæti glat­ist
• Gagnrýna vinnubrögð sveitarstjórna og KPMG
• Skora á meirihlutann að endurskoða ákvörðunina

» Fleiri tengdar fréttir

• 1 blogg um fréttina

Bloggað um fréttina

• Ingólfur Sigurðsson: Íslenzk menning er engum harmadauði - eftir að ljóst er …