Hvetja fólk að tilkynna ofbeldismyndskeið

Ríkislögreglustjóri vekur athygli á því að hægt sé að tilkynna ofbeldismyndskeið ungmenna sem eru í dreifingu á samfélagsmiðlum inni á vef lögreglunnar. 

Þetta kemur fram í tilkynningu embættisins á Facebook en eins og fram hefur komið var árás á mann á bílastæði Fjarðarkaupa tekin upp á síma stúlku. Maðurinn lést eftir árásina.

Í tilkynningunni hvetur ríkislögreglustjóri foreldra og forráðamenn barna til þess að tala við börn og ungmenni um örugga netnotkun.

Lögreglan hvetur fólk til að tilkynna ofbeldismyndbönd ungmenna sem eru í dreifingu á samfélagsmiðlum. Ljósmynd/Lögreglan

• Blogga um frétt