Kæra gæsluvarðhaldið til Landsréttar
Setja bókamerki
Piltarnir tveir, sem eru yngri en 18 ára og sæta gæsluvarðhaldi í tengslum við rannsókn á andláti karlmanns í Hafnarfirði, hafa kært áframhaldandi gæsluvarðhaldsúrskurð héraðsdóms til Landsréttar.
Fyrr í dag var greint frá því að lögreglan færi fram á fjögurra vikna gæsluvarðhald yfir þremur ungum mönnum sem þegar sæta gæsluvarðhaldi í tengslum við andlátið.
Sá elsti er 18 ára og úrskurðaði Héraðsdómur Reykjaness hann í dag í áframhaldandi gæsluvarðhald til 24. maí á grundvelli almannahagsmuna.
Yngri piltunum var gert að sæta vistun á vegum barnaverndaryfirvalda í tengslum við málið, sömuleiðis til 24. maí. Líkt og áður sagði hafa þeir báðir kært úrskurðinn.
Allir þrír hafa sætt gæsluvarðhaldi frá því að málið í Hafnarfirði kom upp.
Í tilkynningu frá lögreglunni á höfuðborgarsvæðinu segir að ekki sé hægt að veita frekari upplýsingar um rannsókn málsins að svo stöddu.
Segir orlofsgreiðsluna hafa gerst sjálfkrafa
„Orðið hálf haustlegt hjá okkur“
Skjálftum fjölgar dag frá degi
Tveir nýir sjóðir fyrir listamenn
„Það er auðvitað algjörlega óþolandi“
Stöðvuðu Búrfellsstöð 1 um helgina
Aðalmeðferð ákveðin í Nýbýlavegsmáli