„Í raun er verið að leggja niður báða skóla“
Setja bókamerki
Kennarafélag Kvennaskólans í Reykjavík hafnar öllum hugmyndum um að leggja skólann niður í núverandi mynd. Þá mótmælir félagið þeirri „aðför að farsæld barna sem felst í þessum áformum.“
Þetta kemur fram í ályktun félagsins frá aðalfundi sem send var á fjölmiðla. Eins og greint var frá í gær er til skoðunar að sameina Kvennaskólann í Reykjavík og Menntaskólann við Sund.
„Kvennaskólinn í Reykjavík var stofnaður 1874 og verður því 150 ára á næsta ári. Saga hans er samofin íslenskri kvenna- og skólasögu og hefur verið mikilvægur hluti réttindabaráttu kvenna frá stofnun. Sérstaða hans er að mörgu leyti mikil, ekki bara hvað varðar sögu hans, heldur líka sem menntastofnun og framhaldsskóli og sjálfsmynd og skólabragur Kvennaskólans byggist að miklu leyti á staðsetningu hans og húsakosti,“ segir í ályktuninni.
/frimg/1/41/5/1410545.jpg)
Endurskoða þurfi frá grunni námsskipulag
Þá kemur fram að brotthvarf úr skólanum hafi verið mjög lágt og hann hafi skilað frá sér öflugum stúdentum. Mikil ánægja hafi verið með starfsemi skólans og stuðning við nemendur. Það staðfestist m.a. með miklum fjölda umsókna um skólavist ár hvert.
„Ef sameina á tvo skóla þarf að endurskoða frá grunni námsskipulag, námsframboð, námsbrautir, áfangalýsingar og fleira. Því er ljóst að í raun er verið að leggja niður báða skóla og stofna nýjan sem verður einhvers konar blanda gömlu skólanna tveggja. Allar fullyrðingar um annað eru haldlausar. Með því að leggja niður Kvennaskólann í Reykjavík væri því bæði verið að slá striki yfir merkan kafla í sögu þjóðarinnar og ógna því góða starfi sem fram fer innan veggja hans.“
Nýtt fangelsi í landi Stóra-Hrauns tilbúið 2028
Fullvissa ferðamenn um að hér sé öruggt
Yfir 300 stæði fóru undir hraun
Dómur þyngdur um þrjú ár
Hentugt gos fyrst gýs á annað borð
Drónamyndskeið frá hápunkti gossins í nótt
Viðræður ekkert þokast frá því á þriðjudag
Hraun kemur úr þremur gígum: Virknin stöðug