Vill setja 170 milljónir í aðgerðir

Heilbrigðisráðherra lagði fram tillögur á ríkisstjórnarfundi í dag að veita 170 milljónum króna í aðgerðir til að sporna við skaða af völdum ópíóíðafíknar. Tillögurnar verða ræddar í næstu viku í ráðherranefnd um samræmingu mála ásamt fleiri aðgerðum á þessu sviði. 

Þróuð verður flýtimóttaka til að sinna meðferð einstaklinga í bráðum vanda og stuðlað að greiðara aðgengi að gagnreyndri lyfjameðferð.

Úrræði frjálsra félagasamtaka verða efld og aðgengi að neyðarlyfinu Naloxon vegna ópíóíðaofskömmtunar bætt.

Þetta kemur fram í tilkynningu frá Stjórnarráðinu. 

Uppfært kl: 16:13 - Í upphaflegri frétt frá Stjórnarráðinu sagði að ríkisstjórnin hefði samþykkt tillögu heilbrigðisráðherra. Rétt er að hann lagði aðeins fram tillögurnar og hafa þær ekki verið samþykktar. 

Frétt af mbl.is

Vilja setja Naloxone í lausasölu

Frétt af mbl.is

Vör við aukinn fíknivanda síðustu vikur

Frétt af mbl.is

Meiri ópíóðanotkun en áður

Í tilkynningunni segir að misnotkun ópíóðalyfja sé vaxandi vandamál á heimsvísu. 

Ísland er þar ekki undanskilið og eru vísbendingar um aukinn ópíóðavanda hjá ungu fólki. Mikilvægt er að grípa strax inn í þessa þróun. Mikilvægar aðgerðir til að bregðast við þessu fela í sér aukið aðgengi að fjölbreyttri, gagnreyndri meðferð við vímuefnavanda og skaðaminnkandi úrræðum. Þar með taliðgagnreyndri viðhaldsmeðferð við ópíóðafíkn. Einnig þurfa aðgerðir gegn vímuefnavanda að fela í sér aukna fræðslu, forvarnir og heilsueflingu.

Frétt af mbl.is

Þurfum að „skera upp herör gegn þessari þróun“

Ávanabinding ópíóíða er mikil og þekkt er að einstaklingar þróa hratt með sér þol og fíkn í lyfið sem aftur leiðir til þess að notaðir eru sífellt stærri og lífshættulegri skammtar. Öndunarbæling ópíóða er hættulegasta aukaverkunin og með notkun stórra skammta eykst áhætta á ofskömmtun og öndunarstoppi og eru þeir einstaklingar sem reykja eða sprauta ópíóíðum í æð í hvað mestri áhættu þessu tengdu.

Þær aðgerðir sem ráðist verður í:

• Þróuð verður flýtimóttaka/viðbragðsþjónusta sem samstarfsverkefni SÁÁ, Landspítala og heilsugæslu þar sem einstaklingum í bráðum vanda er tryggt aðgengi að gagnreyndri heilbrigðisþjónustu á borð við fráhvarfsmeðferð, vímuefnameðferð eða viðhaldsmeðferð sem mætir þeirra þörfum. Áætlaður kostnaður er 50 m.kr.
• Tryggt verði greitt aðgengi notenda að gagnreyndri lyfjameðferð við ópíóðafíkn þar sem m.a. er notuð lyf eins og buprenorphin, metadon og í sumum tilfellum önnur ópíóíðalyf. Áætlaður kostnaður 80 m.kr.
• Úrræði á vegum frjálsra félagasamtaka efld, s.s. Foreldrahúss, sem sýnt hafa fram á árangur á sviði viðbragðsforvarna og snemmtækra inngripa fyrir ungmenni sem sýna forstigseinkenni vímuefnavanda og aðstandenda þeirra, með það að markmiði að koma í veg fyrir þróun frekari vanda eða fíknisjúkdóm. Áætlaður kostnaður 30 m.kr.
• Tryggja verði að neyðarlyfið Naloxon í nefúðaformi sem notað gegn ópíóðaofskömmtun sé aðgengilegt fólki á landsvísu án endurgjalds, bæði í gegnum skaðaminnkunarúrræði og á heilsugæslum landsins. Áætlaður kostnaður 10 m.kr.

• Blogga um frétt