Beint: Hvað er að vera Íslendingur?

Hvað er að vera Íslendingur? er fræðslufundur sem Íslensk erfðagreining stendur að. Fylgjast má með fundinum í beinu streymi hér að neðan.

Fjórir valinkunnir fyrirlesarar munu velta fyrir sér hvað sé að vera Íslendingur út frá erfðum og nýjustu rannsóknum á uppruna okkar Íslendinga. Stangast hugmyndir þjóðarinnar, um uppruna sinn, ef til vill á við uppgötvanir á sviði mannerfðafræði?

Einnig verður því velt upp hvenær fólk verði Íslendingar ef það á rætur í öðrum samfélögum. Tengist þjóðarsjálfsmyndin ómeðvitað eiginleikum sem er frekar hægt að henda reiður á þegar fólk talar um hvaða fólk sé ekki íslenskt?

Þá verður varpað ljósi á keltneska arfleifð okkar og hvernig hún birtist í sérkennum og siðum Íslendinga í nútímanum.

Dagskrá:

• Miriam Petra Ómarsdóttir Awad - Hvenær er maður eiginlega orðinn Íslendingur?
• Þorvaldur Friðriksson - Það keltneska í hinu íslenska: Sérkenni og siðir Íslendinga með hliðsjón af þætti Kelta í landnámi Íslands
• Agnar Helgason - Hvað er Íslendingur? Erfðafræðileg sýn
• Kári Stefánsson - Hvað er að vera Íslendingur?

• Blogga um frétt