Samtök leigjenda á Íslandi ætla að stofna byggingarsamvinnufélag leigjenda með það að markmiði að byggja leiguhúsnæði undir forsjá og stjórn leigjenda sjálfra.

Þetta var samþykkt á fundi samtakanna í Breiðfirðingabúð í dag en hið nýja byggingarsamvinnufélag mun heita Pálmholt.

Með þessu vilja Samtök leigjenda bregðast við fátæktarstefnu stjórnvalda og gefa leigjendum kost á að búa við öryggi og jafnræði á húsnæðismarkaði, að því er fram kemur í tilkynningu frá samtökunum.

„Stjórnvöld hafa ekki sýnt neina viðleitni til að uppfylla þær lagalegu skyldur sínar og með því stimplað sig út sem ábyrgðaraðili í húsnæðismálum landsmanna,“ segir í tilkynningunni.

Þá segir að nafnið Pálmholt hafi verið valið til heiðurs Jóni frá Pálmholti, frumkvöðli að réttindabaráttu leigjenda á síðustu öld.

Tengdar fréttir

Húsnæðismarkaðurinn

Nýtt hlutverk Laugavegshúss

• Landsbankinn segir að skoða þurfi málið nánar
• Birtumagn í íbúðir hverfur nánast
• Opið fyrir tilboð í lóðir í Vatnsendahvarfi
• 15,5% íbúða seldust á yfirverði

» Fleiri tengdar fréttir

• Blogga um frétt