Eldurinn sem kviknaði í Drafnarslipp við Hafnarfjarðarhöfn hefur breiðst út í samliggjandi byggingu við slippinn. Slippurinn er að hruni kominn að sögn sjónarvotts. 

Eldur kviknaði í Drafnarslipp á níunda tímanum í kvöld og var allt tiltækt slökkvilið á höfuðborgarsvæðinu kallað til. 

Sam­kvæmt blaðamanni mbl.is eru lög­reglu­bíl­ar og sjúkra­bíl­ar á svæðinu auk slökkvi­bíla en Lár­us Stein­dór Björns­son, varðstjóri hjá slökkviliðinu á höfuðborg­ar­svæðinu, sagði í samtali við mbl.is fyrr í kvöld ekki hafa heyrt af því að slys hafi orðið á fólki. Slökkvistörf hafi gengið vel og unnið verði á vett­vangi fram ­eft­ir kvöldi.