Lögreglan á höfuðborgarsvæðinu óskar eftir að ná tali af fjórum ungmennum í tengslum við rannsókn hennar á bruna í Drafnarslippnum í Hafnarfirði í gærkvöldi.

Í tilkynningu frá lögreglu segir að ungmennin hafi verið á ferli við slippinn um kl. 17 í gær. Eru þau beðin um að hafa samband við lögreglu í síma 444-1000.

„Eitt þeirra er talið vera með sítt, rautt hár og annað var á hjóli, en frekari vitneskja um þau liggur ekki fyrir,“ segir í tilkynningunni.

Upplýsingum um ungmennin, ef einhver býr yfir þeim, má enn fremur koma á framfæri í tölvupósti á netfangið norma.dogg@lrh.is.

Tengdar fréttir

Stórbruni í Hafnarfirði

Rannsókn á brunanum í biðstöðu

• Brunann má rekja til opins elds
• Ungmennin fjögur ótengd brunanum
• Ekkert rafmagn á stóru skemmunni þegar hún brann
• Eldsupptök liggja ekki fyrir

» Fleiri tengdar fréttir

• Blogga um frétt