Haraldur Reynir Jónsson, oft kenndur við útgerðarfélagið Sjólaskip, er eigandi húsanna sem brunnu við Hafnarfjarðarhöfn á mánudagskvöld.

Haraldur segist í samtali við mbl.is lítið geta tjáð sig um málið. „Ég er ekki á landinu og hef ekkert fengið að vita meira en almenningur,“ segir hann.

Rann­sókn á brun­an­um stend­ur yfir og elds­upp­tök liggja ekki fyr­ir, sam­kvæmt upp­lýs­ing­um frá lög­reglu fyrr í dag.

Starfsemi hætt á síðasta ári

Haraldur segir starfsemi hafa verið hætt í stóru skemmunni á síðasta ári og að rafmagn hafi verið tekið af henni í kjölfarið. Svo virðist sem eldurinn hafi komið upp þar og þaðan breiðst út í tvö samliggjandi hús.

Hann segir að húsin tvö sem lágu að stóru skemmunni hafi verið í útleigu. Annað hafi verið nýtt sem geymslurými fyrir fyrirtæki en hitt undir vélsmiðju eins og komið hefur fram.

„Enn sem komið er get ég ekki sagt neitt meira um þetta.“