Eldsupptök liggja ekki fyrir
Setja bókamerki
Rannsókn á brunanum við Hafnarfjarðarhöfn stendur yfir og eldsupptök liggja ekki fyrir, samkvæmt upplýsingum frá lögreglu.
Allar fjórar stöðvar slökkviliðsins á höfuðborgarsvæðinu voru sendar á vettvang á mánudagskvöld þegar eldur kom upp í Drafnarslipp við Hafnarfjarðarhöfn. Eldurinn breiddist út og svo fór að þrjár samfastar byggingar brunnu. Starfsemi vélsmiðju var í einu húsanna. Húsin voru öll mannlaus þegar eldurinn kom upp.
Lýst eftir ungmennum
Lögregla óskaði eftir að ná tali af fjórum ungmennum í tengslum við rannsóknina í gær. Ekki hafa fengist upplýsingar frá lögreglu hvort tekist hefur að hafa upp á ungmennunum.
Í tilkynningu frá lögreglu segir að ungmennin hafi verið á ferli við slippinn um kl. 17 í gær og að þau séu beðin að hafa samband við lögreglu í síma 444-1000.
„Eitt þeirra er talið vera með sítt, rautt hár og annað var á hjóli, en frekari vitneskja um þau liggur ekki fyrir,“ segir í tilkynningunni.
Svandís nýr formaður og Guðmundur varaformaður
Svandís: Skuli stefnt að kosningum í vor
Gekk bara einu sinni á uppsafnað orlof
„Hér eru tveir flugvellir“
Tveir skjálftar í Bárðarbungu
„Ekki fyrsti karlinn sem gerir ráð fyrir rauða dreglinum“