Íslenska ferðaþjónustufyrirtækið Arctic Adventures hefur aflýst jöklaferðum sínum í Kötlu íshellinn það sem eftir lifir dags vegna jarðskjálftahrinunnar í Mýrdalsjökli í morgun.

Frétt af mbl.is

Öflugasta jarðskjálftahrinan í sjö ár

„Samkvæmt öryggisreglum hjá okkur erum við ekki með meira í dag. Svo er staðan alltaf tekin og aðilar eru í góðu samtali við Veðurstofuna um framhaldið,” segir Gréta María Grétarsdóttir, forstjóri Arctic Adventures, spurð út í stöðu mála vegna hrinunnar.

Hún segir vinsældir íshellisins vera afar miklar og að straumurinn þangað hafi aukist statt og stöðugt.

Frétt af mbl.is

Skjálftarnir reyndust stærri en fyrst var talið

Að minnsta kosti þrjú ferðaþjónustufyrirtæki eru með daglegar brottfarir í Kötlu íshelli, auk þess sem margir til viðbótar koma þangað með hópa. Einhver hundruð ferðamanna fara þangað á hverjum degi, segir Gréta María, aðspurð.

Arctic Adventures fer þangað tvisvar til þrisvar sinnum á dag að jafnaði en breytilegt er hversu margir fara í hvert sinn. Fyrirtækið var búið að fara eina ferð í íshellinn í morgun þegar tilkynningin barst frá Veðurstofunni í morgun um skjálftahrinuna.

Frétt af mbl.is

Þetta eru líklegir fyrirboðar Kötlugoss

Gréta María ítrekar að öryggisáætlanir fyrirtækisins séu yfirgripsmiklar og að það hafi öryggi viðskiptavina sinna ávallt efst í huga.

Uppfært kl. 15.45:

Fyrirtækið Glacier Encounter hefur aflýst jökulgöngum í dag á Sólheimajökli vegna öryggissjónamiða í tengslum við skjálftana í Mýrdalsjökli. Staðan verður tekin aftur í fyrramálið, að því er kemur fram í tilkynningu.

Tengdar fréttir

Katla

Stærsti skjálfti ársins í Mýrdalsjökli

• Kominn tími á nýja rýmingaráætlun
• Skjálfti í Mýrdalsjökli
• „Snerist um krónur og aura“
• Heyrðu í almannavörnum sjö tímum fyrir hlaup

» Fleiri tengdar fréttir

• Blogga um frétt