„Við fengum ábendingu um að þau hefðu verið þarna, nálægt þessu húsi, um fimmleytið. Svo náðum við tali af þeim í gær en það er ekkert sem varpar ljósi á þennan bruna sem þar kom fram,“ segir Skúli Jónsson, aðstoðaryfirlögregluþjónn í Hafnarfirði, í samtali við mbl.is um fjögur ungmenni sem lögregla tilkynnti um á Facebook-síðu sinni að hún vildi gjarnan ná tali af í kjölfar brunans í Drafnarslippnum gamla í Hafnarfirði að kvöldi 1. maí.

Gamli slippurinn brunninn til kaldra kola á þriðjudaginn. mbl.is/Eggert Jóhannesson

Skúli segir tæknideild hafa lokið störfum á vettvangi og nú sé beðið upplýsinga frá Mannvirkjastofnun um rafmagnsmál. „Þó hefur komið fram að það var ekki rafmagn á skemmunni sjálfri og ef svo hefur ekki verið hefur líklega verið um einhvers konar opinn eld að ræða,“ segir Skúli en hvernig slíkt hefði til komið væri ekki vitað eins og staðan er nú.

Tengdar fréttir

Stórbruni í Hafnarfirði

Rannsókn á brunanum í biðstöðu

• Brunann má rekja til opins elds
• Ekkert rafmagn á stóru skemmunni þegar hún brann
• Eldsupptök liggja ekki fyrir
• Lýsa eftir ungmennum vegna brunans

» Fleiri tengdar fréttir

• Blogga um frétt