Líklegra er að jarðskjálftahrinan í Mýrdalsjökli í morgun tengist jarðhitavirkni og mögulegri vatnssöfnun í kötlum heldur en eldvirkni. Hægst hefur á skjálftavirkni en hún er þó enn til staðar með smærri skjálftum sem koma nokkuð títt.

Þetta segir Salóme Jórunn Bernharðsdóttir, náttúruvársérfræðingur á Veðurstofu Íslands, spurð út í stöðu mála.

Frétt af mbl.is

Jöklaferðum aflýst vegna jarðskjálftavirkni

Yfir 30 skjálftar hafa orðið síðan hrinan hófst á tíunda tímanum í morgun, þar af þrír yfir 4 að stærð og um sjö á milli 3 og 4 að stærð.

Jökulsprungur marka yfirborð Mýrdalsjökuls þar sem hann skríður fram. Í fjarska sést Hjörleifshöfði niðri við ströndina handan Mýrdalssands. mbl.is/RAX

Fylgjast vel með stöðunni 

„Það hefur aðeins hægst á þessu eftir morguninn en það er enn þá skjálftavirkni og við fylgjumst vel með stöðunni,” segir hún og bætir við að ekkert hafi mælst í ám sem bendi til þess að ástandið hafi breyst. Rafleiðni í Múlakvísl er til að mynda ekki að aukast.

Veðurstofan hefur verið í sambandi við almannavarnir, lögregluna á svæðinu og fleiri um viðbrögð og við hverju megi búast ef dregur til tíðinda.

„Við erum að vakta öll kerfin sem við höfum,” segir Salóme Jórunn, spurð út í mögulegt hlaup.

Veðurstofan hefur ekki óskað eftir flugvél frá Landhelgisgæslunni til að fljúga yfir svæðið. Starfsmenn Veðurstofunnar hafa aftur á móti verið sendir til að reyna að setja upp annan gasmæli á Sólheimaheiði.

Frétt af mbl.is

Loka veginum og vara við mögulegu gasútstreymi

Tengdar fréttir

Katla

Stærsti skjálfti ársins í Mýrdalsjökli

• Kominn tími á nýja rýmingaráætlun
• Skjálfti í Mýrdalsjökli
• „Snerist um krónur og aura“
• Heyrðu í almannavörnum sjö tímum fyrir hlaup

» Fleiri tengdar fréttir

• Blogga um frétt