Guðni Th. Jóhannesson, forseti Íslands, fer í þriggja daga opinbera heimsókn í Fjarðabyggð á morgun, mánudag.

Meðal annars mun hann heimsækja efri byggðir Neskaupstaðar og kynna sér áhrif snjóflóðanna sem féllu þar í mars, að því er fram kemur í tilkynningu frá skrifstofu forseta Íslands.

Í Neskaupstað heimsækir hann einnig Umdæmissjúkrahús Austurlands, Síldarvinnsluna og samvinnuhúsið Múlann.

Í kjölfarið verður siglt til Mjóafjarðar. 

„Þar búa að jafnaði um tíu manns í einni afskekktustu byggð landsins og verður efnt til kaffisamsætis með íbúum,“ segir í tilkynningu.

Borðar hádegisverð í álverinu

Á þriðjudag heimsækir forsetinn meðal annars Breiðdals- og Stöðvarfjarðarskóla, Sköpunarmiðstöðina á Stöðvafirði og snæðir hádegisverð með eldri borgurum á Stöðvarfirði.

Á miðvikudaginn heimsækir Guðni meðal annars leik- og grunnskóla bæjarins Reyðarfjarðar. Þá snæðir forseti hádegisverð með starfsfólki í mötuneyti Alcoa Fjarðaáls sem er fjölmennasti vinnustaður sveitarfélagsins.

Tengdar fréttir

Snjóflóð á Austfjörðum

Rýming endurmetin í fyrramálið

• Varðskipið Þór við bryggju á Seyðisfirði
• Varðskipið í viðbragðsstöðu á morgun
• Rýming líklega í gildi fram á mánudag
• Rýma í kvöld vegna snjóflóðahættu

» Fleiri tengdar fréttir

• Blogga um frétt