Björgunarsveit leitaði að hring í Reykjavíkurtjörn

Tveir kafarar hjá Björgunarsveitinni Suðurnes voru kallaðir til í dag vegna óvenjulegrar beiðni, en ungur maður kallaði eftir aðstoð eftir að hann missti erfðagrip í Tjörnina.

Björgunarsveitin Suðurnes greindi frá aðgerðunum á Facebook-reikningi sínum í dag, en samkvæmt færslu þeirra hafði maðurinn erft hringinn frá frænku sinni, en tapað honum við að gefa öndunum brauð við Reykjavíkurtjörn.

Kafarar björgunarsveitarinnar fóru á vettvang og hófu leit að hringnum á botni tjarnarinnar með myndavél. Eftir tveggja klukkustunda leit var ákveðið að kafari myndi fara á botninn en það bar ekki frekari árangur.

Björgunarsveitin ákvað hins vegar að nýta tækifærið til æfingar og halda leitinni eitthvað áfram, en ekki hafa borist frekari fregnir af hringnum.

• Blogga um frétt