Þyrlan send í sjúkraflug

Þyrlusveit Landhelgisgæslunnar var kölluð út í nótt til að sinna sjúkraflugi frá Vestmannaeyjum. Ekki reyndist unnt að senda sjúkraflugvél til Eyja vegna slæms skyggnis.

Þyrlusveitin flaug norður fyrir Elliðaey, austur fyrir sunnanverða Heimaey og þaðan til vesturs inn á Klaufina milli Stórhöfða og Litlahöfða þar sem þyrlan lenti á veginum.

Þar beið sjúkrabíll og var sjúklingurinn fluttur um borð í þyrluna og í kjölfarið komið undir læknishendur í Reykjavík, að því er Gæslan greinir frá.

• Blogga um frétt