Vandræði í veitingu þings á ríkisfangi

Skömmu áður en Arndís Anna tók sæti á Alþingi 2021 var hún lögmaður þriggja umsækjenda um ríkisborgararétt, en á þessu kjörtímabili hefur Alþingi síðan veitt þeim ríkisborgararétt. Það gerðist að tillögu fyrrnefndrar undirnefndar, þar sem Arndís Anna var einn þriggja nefndarmanna.

Frétt af mbl.is

Metur sig ekki vanhæfa

„Það er okkar þingmanna að meta hæfið hverju sinni og það á við um alla nefndarmenn. Og ef það kemur eitthvert nafn upp, sem nefndarmenn voru að fjalla um, þá er það alltaf uppi á borðum í nefndinni,“ sagði Arndís Anna í samtali við mbl.is í gær og minnti á að reynsla af málefnum flóttafólks hefði verið ein ástæða þess að hún var kjörin í þessa þingnefnd.

15 ár í málum hælisleitenda

Áður en Arndís Anna var kjörin á Alþingi haustið 2021 starfaði hún í um 14 ár sem löglærður talsmaður hælisleitenda á vegum Rauða krossins. Eftir að hún afréð að bjóða sig fram til Alþingis lét hún af því starfi í árslok 2020, en árið 2021 tók hún til starfa sem sjálfstætt starfandi lögmaður allt þar til hún var kjörin á Alþingi í september sama ár.

Það er á þeim tíma árið 2021, sem hún vann fyrir umsækjendurna þrjá, en auk þeirra hlaut einn ríkisborgararétt, sem hún var áður löglærður talsmaður fyrir hjá Rauða krossinum.

Frétt af mbl.is

Fjallaði um umsóknir skjólstæðinga

Þær upplýsingar komu fram í svörum við fyrirspurn blaðsins til Útlendingastofnunar, en alls hafa 58 manns fengið ríkisborgararétt með lögum frá Alþingi á þessu kjörtímabili. Þar af voru 15 manns, ríflega fjórðungur, sem höfðu áður fengið synjun frá Útlendingastofnun um landvist, alþjóðlega vernd eða ríkisborgararétt.

Hægt er að nálgast umfjöllunina í heild sinni í Morgunblaðinu í dag.