Boeing 757 lenti á Reykjavíkurflugvelli
Hér má sjá Boeing 757-vél búa sig til lendingar á Reykjavíkurflugvelli.
Ljósmynd/Njáll Trausti
Setja bókamerki
Flugvél Icelandair sem kom frá landamærum Póllands að Úkraínu lenti á Reykjavíkurflugvelli rétt eftir hádegi.
Um er að ræða Boeing 757-vél í leiguflugi en Guðni Sigurðsson upplýsingafulltrúi Icelandair sagðist ekki geta tjáð sig í samtali við mbl.is um hverjir voru um borð í vélinni eða hvort farþegar hennar voru á leið á leiðtogafundinn í Hörpu.
Vélin flaug frá Rzeszow í Póllandi, sem er rétt við landamæri Úkraínu. Líklegt má telja að þar sé um að ræða sendinefnd Úkraínu.
Í morgun kom í ljós að Denys Shmyhal forsætisráðherra Úkraínu leiðir sendinend landsins á fundinum. Í föruneyti hans verður Denys Maliuska dómsmálaráðherra. Volodimír Selenskí forseti Úkraínu mun ávarpa gesti fundarins í gegnum fjarfundarbúnað.
Boeing 757 flugvél Icelandair lenti fyrir skömmu á Reykjavíkurflugvelli, en hún kom frá Rzeszow í Póllandi, rétt við landamæri Úkraínu.
Kort/Flightradar24
Yfir 300 stæði fóru undir hraun
Maskína: Framsókn í fallbaráttu
Hluti bílastæðis undir hraun: Ómögulegt að meta tjón
Litlar líkur á að hraunið nái til mannvirkja
Hótar Bretum og Bandaríkjamönnum
Hraunið náð Njarðvíkuræð: Fylgjast með raflínu
Líklega komin á seinni hluta hrinunnar í Svartsengi