Ursula von der Leyen, for­seti fram­kvæmda­stjórn­ar Evr­ópu­sam­bands­ins, sagði Íslendingum hafa tekist vel upp í forystu Evrópuráðsins þegar hún tók til máls á blaðamannafundi í Ráðherrabústaðnum í dag að loknum stuttum fundi með Katrínu Jakobsdóttur forsætisráðherra. 

Ísland hefur sinnt formennsku í Evrópuráðinu síðasta hálfa árið og lýkur í lok leiðtogafundarins í Reykjavík sem stendur yfir í Hörpu. 

Frétt af mbl.is

Von der Leyen: Ísland fær undanþágur

Von der Leyen hrósaði einnig Íslendingum fyrir viðhorf og áætlanir stjórnvalda í loftslagsmálum. 

Varðandi leiðtogafundinn sagði hún fundinn vera haldinn á mikilvægum tímapunkti í ljósi stríðsins í Úkraínu. 

„Árásir Rússa á Úkraínu vekja upp grundvallarspurningar um lýðræði, lög og reglu og mannréttindi,“ sagði Ursula von der Leyen.

Þakkaði hún Katrínu og Íslendingum fyrir að leggja áherslu á réttlæti fyrir Úkraínumenn í formannstíð Íslendinga í Evrópuráðinu og beina sjónum að ábyrgð Rússa varðandi það tjón sem orðið hefur í Úkraínu. Rússar séu ábyrgir fyrir því með innrás í nágrannaríki. 

Von der Leyen gat þess einnig að Íslendingar hafi stutt myndarlega við bakið á Úkraínumönnum með alls kyns aðstoð og móttöku flóttamanna sem séu nærri þrjú þúsund talsins. 

Katrín sagði EES-samninginn hafa verið til umræðu og á næsta ári væru þrjátíu ár frá því hann öðlaðist gildi. Þá verði komið á fundum á milli Íslendinga og Evrópusambandsins til að ræða samninginn. 

Tengdar fréttir

Leiðtogafundur Evrópuráðsins í Hörpu

Fundurinn notaður sem afsökun fyrir vopnavæðingu

• Keypti glock-skammbyssur fyrir 30 milljónir
• Keypti 175 skothelda hjálma á 34 milljónir
• Keypti smellubindi fyrir rúmar 300 þúsund krónur
• Leiðtogafundurinn kostaði skildinginn

» Fleiri tengdar fréttir

• Blogga um frétt