Aðildarríki Evrópuráðsins hyggjast koma fót tjónaskrá til að skrásetja þann stríðsskaða sem Rússar hafa valdið með innrásinni í Úkraínu.

Í ræðu sinni á leiðtogafundinum skoraði Emmanuel Macron Frakklandsforseti öll lönd til þess að taka þátt og leggja sitt af mörkum við að „fylla út skrána“.

Ábyrgðarskylda vegna Úkraínu og grundvallargildi Evrópuráðsins eru meginumfjöllunarefni leiðtogafundar Evrópuráðsins. Á fundinum í dag ríkti mikil samstaða meðal leiðtoga um tjónaskrána.

Olaf Scholz kanslari Þýskalands sagði að skráin myndi spila lykilhlutverk í að refsa Rússum og að „draga þá til ábyrgðar vegna stríðsglæpanna sem þeir hafa framið“.

Skráin mikilvæg fyrir framtíðina

Ursula von der Leyen, framkvæmdarstjóri Evrópusambandsins, sagði að skráin myndi gegna mikilvægu hlutverki í að beina Rússum frá því að fremja fleiri stríðsglæpi, og sagði hana mikilvæga fyrir framtíðina. Aðeins réttlæti gæti verið grundvöllur varanlegs friðar í Úkraínu.

Katrín Jakobsdóttir ráðherra sagði við mbl.is fyrr í dag að sá und­ir­bún­ing­ur sem varðar skrána hafi gengið vel. Hún telur skrána vera lyk­il­atriði til þess að tryggja að Rúss­ar axli ábyrgð.

Frétt af mbl.is

Bjart­sýn á á­þreifan­legar niður­stöður

Fjöldi þjóðarleiðtoga hefur skrifað undir skrána. Gitanas Nausėda, forseti Litháens, deildi mynd af sér skrifa undir tjónaskrána í dag.

Tengdar fréttir

Leiðtogafundur Evrópuráðsins í Hörpu

Fundurinn notaður sem afsökun fyrir vopnavæðingu

• Keypti glock-skammbyssur fyrir 30 milljónir
• Keypti 175 skothelda hjálma á 34 milljónir
• Keypti smellubindi fyrir rúmar 300 þúsund krónur
• Leiðtogafundurinn kostaði skildinginn

» Fleiri tengdar fréttir

• Blogga um frétt