Nokkrir vasahnífar komu í ljós við framkvæmd vopnaleitar í innanlandsflugferðum til og frá Reykjavíkurflugvelli í gær. Það kom þó ekki að sök og voru hnífarnir færðir í innritaðan farangur viðkomandi farþega.

Frétt af mbl.is

Vopnaleit í innanlandsflugi næstu tvo daga

Sigrún Björk Jakobsdóttir, framkvæmdastjóri innanlandsflugvalla hjá Isavia, segir vopnaleitina almennt hafa farið vel fram og að sáralítil röskun hafi verið á flugferðum vegna leitarinnar. Langflestir farþegar hafi fengið skilaboðin um að framkvæmd yrði vopnaleit og voru komnir tímanlega.

„Fólk er þjálfað á Akureyri, Egilsstöðum og Reykjavíkurflugvelli en á minni stöðunum þurftum við að undirbúa leitina betur og þjálfa fólk til þess að geta gert þetta.“ Áfram verður leitað að vopnum í innanlandsflugi í dag til kl. 16, eða meðan á leiðtogafundinum stendur. 

Tengdar fréttir

Leiðtogafundur Evrópuráðsins í Hörpu

Fundurinn notaður sem afsökun fyrir vopnavæðingu

• Keypti glock-skammbyssur fyrir 30 milljónir
• Keypti 175 skothelda hjálma á 34 milljónir
• Keypti smellubindi fyrir rúmar 300 þúsund krónur
• Leiðtogafundurinn kostaði skildinginn

» Fleiri tengdar fréttir