Tveggja bíla árekstur í Mýrdal

Tveir bílar skullu saman við bæinn Skeiðflöt í Mýrdal eftir hádegi í dag.

Bílarnir komu úr gagnstæðri átt á töluverðum hraða með þeim afleiðingum að annar þeirra valt út fyrir veginn.

Þrír voru í bílunum tveimur. Að sögn lögreglunnar á Suðurlandi voru meiðsli minniháttar. Einn var fluttur á Heilbrigðisstofnun Suðurlands á Selfossi en tveir fengu aðhlynningu frá lækni á staðnum.

Lögregla er enn að störfum á vettvangi.

• Blogga um frétt