Leiðindaveður bíður borgarbúa

Þrátt fyrir að gular viðvaranir hafi tekið gildi á Breiðafirði, Vestfjörðum, Ströndum og Norðurlandi vestra á milli 11 til 15 í dag, er von á sæmilega mildu veðurfari á Akureyri, Norðausturlandi og um helgina. Hlýjast verður á Austurlandi, en í dag hefur hiti mælst allt að 18 stig á Hallormsstað og 17 stig á Egilsstöðum.

Frétt af mbl.is

Öflugar vindhviður norðvestanlands

Að sögn veðurfræðings hjá Veðurstofu Íslands mega íbúar höfuðborgarsvæðisins búast við leiðindaveðri um helgina og er ekki von á að sólin láti sjá sig á næstu dögum.

Þá sé einnig varasamt að taka langtímaveðurspám of alvarlega sem boði hlýtt sumar. Líkt og greint var frá í vikunni spáði Evrópska reiknimiðstöðin fyrir að meðalhiti sumarsins verði markvert hár samkvæmt nýjustu tölum þeirra.

Hvassast á Austurlandi á sunnudag

Veðurfræðingur segir þó að enn geti margt breyst og að enn hafi ekki verið sýnt fram á áreiðanleika langtímaspánna.

Í höfuðborginni og á landinu sunnan-og vestanverðu verður hitastig talsvert svalara en á Norður-og Austurlandi, en hiti mun fara niður í 4 stig á laugardag og því mun fylgja rigning, súld og reglulegar skúrir.

Hvassast verður norðvestanlands framan af helgi, en á sunnudag verður hvassast á Austurlandi og má gera ráð fyrir suðvestanátt á bilinu 8-18 m/s.

• Blogga um frétt