Þrjú ríki samþykktu ekki Reykjavíkuryfirlýsinguna

43 af 46 aðildarríkjum Evrópuráðsins samþykktu Reykjavíkuryf­ir­lýs­ing­una. Þrjú aðildarríki Evrópuráðsins samþykktu hana ekki í heild sinni eða að hluta.

Þetta staðfestir Sveinn H. Guðmarsson, deildarstjóri upplýsingadeildar utanríkisráðuneytisins, við mbl.is.

Um er að ræða Serbíu, Armeníu og Aserbaídsjan.

Frétt af mbl.is

Samþykktu sérstaka Reykjavíkuryfirlýsingu

Undirrituðu ekki yfirlýsingu um tjónaskrá

Leiðtog­ar aðild­ar­ríkja Evr­ópuráðsins samþykktu yf­ir­lýs­ing­una samhljóða án atkvæðagreiðslu á fundinum í Hörpu og er hún því kennd við Reykjavík. Stuðning­ur við Úkraínu, álykt­un í þágu úkraínskra barna, og skuld­bind­ing ríkj­anna við mann­rétt­indi, lýðræði og rétt­ar­ríkið eru megin­á­hersl­ur yf­ir­lýs­ing­ar­inn­ar.

Sömu ríki und­ir­rituðu ekki heldur yf­ir­lýs­ingu um tjóna­skrá Evr­ópuráðsins vegna inn­rás­ar Rússa í Úkraínu auk ríkjanna Bosníu, Tyrklands og Ungverjalands. Með tjónaskránni er ætl­un­in að skrá­setja þann stríðsskaða sem Rúss­ar hafa valdið með inn­rás­inni í Úkraínu.

Frétt af mbl.is

Sex ríki ólíkleg til að styðja tjónaskrá

• Blogga um frétt