Reyndi að komast undan og bakkaði á lögreglubíl

Ölvaður ökumaður reyndi að komast undan lögreglu en bakkaði á lögreglubifreið. 

Í dagbók lögreglunnar á höfuðborgarsvæðinu kemur fram að tilkynning hafi borist um hugsanlega ölvaðan ökumann. Lögregla stöðvaði ökumanninn en hann reyndi að komast undan og bakkaði þá á lögreglubifreiðina. 

Ökumaðurinn var handtekinn vegna gruns um ölvun við akstur og umferðaróhapp. Hann var vistaður í fangaklefa í þágu rannsóknar.

Þá barst tilkynning um einstakling sem var að brjótast inn í bifreiðar. Hann náðist stuttu síðar og var með meint þýfi meðferðis. 

Skýrsla var tekinn af einstaklinginum á lögreglustöð og var hann látinn laus að því loknu.  

• Blogga um frétt