Tæplega 2.000 umsækjendur um alþjóðlega vernd dvelja nú í búsetuúrræðum á vegum Vinnumálastofnunar, en stofnunin þjónustar umsækjendur um alþjóðlega vernd hér á landi.

Þetta kemur fram í tilkynningu á vef Stjórnarráðsins en þegar Vinnumálastofnun tók við þjónustunni frá Útlendingastofnun um mitt síðasta ár voru um 700 umsækjendur búsettir í húsnæði ætluðu umsækjendum um alþjóðlega vernd.

„Aldrei hafa jafnmargir sótt um alþjóðlega vernd á Íslandi en um þessar mundir,“ segir í tilkynningunni en það sem af er ári eru umsækjendur orðnir fleiri en á sama tíma í fyrra eða um 2.000 talsins. Að jafnaði hafa um 100 einstaklingar á viku sótt um alþjóðlega vernd hér á landi frá því í janúar.

Flest fólkið kemur frá Venesúela og Úkraínu en fjöldi ríkisfanga er 49. Börn eru 20% hópsins.

Tengdar fréttir

Flóttafólk á Íslandi

Fengu endanlega synjun: Fara úr landi á fimmtudag

• Vísað úr landi en þarf að fara í skurðaðgerð
• Húsfylli í samfélagskvöldverði No Borders
• Ekki hægt að setja hámark á hælisumsóknir
• Telur ekki þurfa að herða útlendingalöggjöfina

» Fleiri tengdar fréttir

• Blogga um frétt