Hvenær tekur nýr ráðherra við?

„Ég held að það gerist þannig, að ég segi þær fréttir þegar það verða þær fréttir að segja,“ segir Bjarni Benediktsson, fjár­mála- og efna­hags­ráðherra og formaður Sjálfstæðisflokksins, spurður hvort hann hafi tekið ákvörðun um hvenær Guðrún Hafsteinsdóttir taki við sem dómsmálaráðherra. 

Er ný ríkisstjórn tók við í lok nóvember árið 2021 var Jón Gunnarsson settur dómsmálaráðherra til 18 mánaða og átti Guðrún, odd­viti sjálf­stæðismanna í Suður­kjör­dæmi, síðan að taka við embættinu. 

Frétt af mbl.is

Guðrún dómsmálaráðherra í mars

„Lof­orðið var 18 mánuðum frá kosn­ing­um, það er í mars,“ sagði Guðrún í Dagmálum í janúar á þessu ári. 

Gæti verið að það sé pirringur í mönnum

„Þegar það verða fréttir af því máli, þá mun ég segja þær fréttir,“ segir Bjarni spurður hvort ráðherraskiptin munu gerast áður en þingstörfum lýkur í byrjun júní.

Er enginn pirringur í mönnum að skiptin hafi ekki farið fram?

„Ég veit það ekki. Það getur verið, en þetta er bara eins og þetta er,“ segir Bjarni. 

• Blogga um frétt