Skjálftahrinan hélt áfram í nótt

Skjálftahrinan austur af Grímsey hélst nokkuð stöðug í nótt. Alls hafa um 90 jarðskjálftar mælst frá því að jörð byrjaði að skjálfa klukkan 19.22 í gærkvöldi, og um 30 skjálftar frá miðnætti.

Stærsti skjálftinn var 3,8 að stærð í gær en síðan þá hafa nokkrir skjálftar mælst um 2,8 til 3 að stærð. 

Frétt af mbl.is

Stærsti eftirskjálftinn 3 að stærð

Böðvar Sveinsson, náttúruvársérfræðingur hjá Veðurstofu Íslands, segir ekki útlit fyrir að dregið hafi úr hrinunni en að eðlilegt sé að mesta hreyfingin sé við upphaf skjálftahrinunnar. 

Eins og fram kom í gær urðu einhverjir íbúar á Norðurlandi varir við stærsta skjálftann um kvöldmatarleytið en að sögn Böðvars hafa engar frekari tilkynningar um slíkt borist Veðurstofunni í nótt.

• Blogga um frétt