Sér ekki fyrir endann á verkföllum BSRB
Setja bókamerki
Verkföll aðildarfélaga BSRB hafa staðið yfir frá 15. maí. Starfsfólk í leikskólum, grunnskólum og frístundastarfi halda áfram verkfalli í dag, hafnir í Ölfusi bættust við á mánudaginn og um helgina bætast við sundstaðir og íþróttamiðstöðvar.
Ekki hafa verið boðaðir fleiri fundir í kjaradeilunni, þar sem sáttasemjari sér ekki tilefni til þess, að sögn Sonju Ýrar Þorbergsdóttur formanns BSRB, en síðasti fundur var á mánudaginn.
Þegar Morgunblaðið hafði samband við Sonju var hún á leið af samstöðufundi sem haldinn var í Reykjanesbæ, þar sem mikill hugur var í fólki. Segir Sonja að samstöðufundir séu haldnir flesta daga áður en haldið er í verkfallsvörslu.
Í Ráðhúsi Reykjanesbæjar komu saman á annað hundruð manns og var bæjarstjórnin hvött til þess að reyna að hafa áhrif á samninganefndina um að koma til móts við félögin, að sögn Trausta Björgvinssonar, formanns Starfsmannafélags Suðurnesja.
Það er óhætt að segja að verkfallsaðgerðir hafi haft mikil áhrif víðast hvar. Grípa hefur þurft til þess að skerða skóladaga barna í ákveðnum sveitarfélögum. Víðast hvar hefur ekki verið hægt að bjóða upp á hádegismat og svo mætti lengi telja.
Nánari umfjöllun er að finna í Morgunblaðinu sem kom út í dag, 25. maí.
Hellisheiði og Þrengsli ekki opnuð í dag
Éljagangur en síðan slydda eða rigning
Fuglager í Grindavík: „Þetta var bara pínu magnað“
Björgunarsveitir kallaðar út í nótt
Var að slitna frá bryggju sökum hvassviðris
Búið að opna Hellisheiði
Í þögn hjartans