Hún bendir á að seðlabankastjóri hafi vikið sérstaklega að nauðsyn þess að aðilar vinnumarkaðarins hafi þessa stöðu efnahagslífsins í huga nú í aðdraganda kjarasamninga. Hún bætir við að farsælast væri ef það tækist að koma á langtímakjarasamningum á vinnumarkaði og bendir á „lífskjarasamningana“ 2019 sem fyrirmynd.

Katrín tekur fram að það sé ekki hlutverk ríkisstjórnarinnar að semja um kaup og kjör, en að hún geti eftir sem áður átt aðkomu að þeim. Vel komi til greina að stjórnin beiti sér í þeim efnum og nefnir til dæmis gerð langtímaáætlunar í húsnæðismálum, endurskoðun atvinnuleysistryggingakerfisins, ábyrgðarsjóðs launa og skoðun á kjörum ungbarnafjölskyldna.

Katrín víkur einnig að ríkisrekstrinum og segir að aðhalds sjái stað bæði í fjárlögum og fjármálaáætlun, en útilokar ekki að lengra þurfi að ganga í þeim efnum samhliða því að verja viðkvæmustu hópana fyrir áhrifum verðbólgu og efnahagsþrenginga. Ríkisvaldið muni leggja sitt af mörkum og styðja Seðlabankann í sínum verkefnum, að kveða niður verðbólgu.

Nán­ar er fjallað um málið í Morg­un­blaðinu í dag.

Tengdar fréttir

Vextir á Íslandi

„Ekki svigrúm til frekari launahækkana“

• Óttast að fólk fari aftur að eyða peningum
• Skiptir mestu máli að fjárlögin voru samþykkt
• Gera ekki ráð fyrir að samhljómurinn verði rofinn
• „Verðbólgan er í frjálsu falli“

» Fleiri tengdar fréttir