Aðalmeðferð í saltdreifaramálinu hafin

Aðalmeðferð í saltdreifaramálinu svokallaða fer fram í Landsrétti í dag og á morgun. Málið varðar ann­ars veg­ar inn­flutn­ing am­feta­mín­vökva í miklu magni og hins veg­ar kanna­bis­rækt­un á sveita­bæn­um Hjalla­nesi við Hellu.

Fimm menn hlutu þunga dóma í Héraðsdómi Reykjavíkur í október fyrra. Hall­dór Mar­geir Ólafs­son og Ólaf­ur Ágúst Hraun­dal voru dæmdir í tólf ára fangelsi. Guðlaug­ur Agn­ar Guðmunds­son og Guðjón Sig­urðsson hlutu tíu ára dóm. Geir Elí Bjarnason hlaut tveggja ára dóm fyrir aðild sína að málinu.

Frétt af mbl.is

Tveir fá tólf ár í saltdreifaramáli

Þeir áfrýjuðu allir til Landsréttar og krefjast ýmist sýknu, vísun frá héraðsdómi eða vægari refsingar.

Geir Elí, Ólafur Ágúst, Guðlaugur Agnar og Halldór Margeir eru viðstaddir aðalmeðferðina í Landsrétti í dag.

Anna Barbara Andradóttir saksóknari sækir málið. Dómarar í málinu eru Ásgerður Ragnarsdóttir, Eggert Óskarsson og Jón Höskuldsson.

Sigurður G. Guðjónsson, verjandi Guðlaugs Agnars Guðmundssonar, og Jón Magnússon, verjandi Ólafs Ágústs Hraundal. mbl.is/Eggert Jóhannesson

Földu amfetamínvökva í saltdreifara

Guðlaug­ur Agnar, Guðjón og Hall­dór Margeir voru fundn­ir sek­ir fyr­ir að hafa staðið að inn­flutn­ingi á salt­dreifara hingað til lands með Nor­rænu frá Hollandi. Í hon­um voru fald­ir 53 lítr­ar af am­feta­mín­vökva. Var brotið framið í fé­lagi með tveim­ur óþekkt­um er­lend­um aðilum.  Í sam­vinnu við óþekkt­an ís­lensk­an aðila fjar­lægðu þeir am­feta­mín­vökv­ann úr salt­dreif­ar­an­um og fram­leiddu allt að 117,5 kg af am­feta­míni í sölu og dreif­ing­ar­skyni.

Frétt af mbl.is

Földu 53 lítra af amfetamínvökva í saltdreifara

Guðjón, Hall­dór Mar­geir, Geir Elí og Ólaf­ur Ágúst voru sak­felld­ir fyr­ir stór­fellt fíkni­efna­laga­brot með því að hafa staðið sam­an að kanna­bis­rækt­un í úti­húsi í Rangárþingi ytra.

Anna Barbara Andradóttir saksóknari sækir málið. mbl.is/Eggert Jóhannesson

• Blogga um frétt