Ísland er langt undir meðaltali OECD-ríkjanna þegar kemur að skipulögðum grænum svæðum í þéttbýli. Einungis 3,5% svæða í þéttbýli eru skipulögð sem græn svæði hérlendis samanborið við 17% meðaltal OECD-ríkjanna.

Þetta kom fram í svari Guðlaugs Þórs Þórðarsonar umhverfisráðherra við fyrirspurn Diljár Mistar Einarsdóttur, þingmanns Sjálfstæðisflokksins í Reykjavík, á Alþingi í dag. Vísaði ráðherra í nýlega úttekt OECD um húsnæðismarkaðinn á Íslandi.

Diljá Mist vildi m.a. vita hvernig aðgengi íbúa í Reykjavík að grænum svæðum væri í alþjóðlegum samanburði og hvort græn svæði ættu undir högg að sækja í núverandi skipulagi Reykjavíkur, m.a. vegna stefnu um þéttingu byggðar.

Þá vildi hún sérstaklega fá að heyra afstöðu Guðlaugs Þórs gagnvart fyrirhugaðri landfyllingu í Skerjafirði þar sem borgin hyggur á uppbyggingu. 

Stefnir í stórt umhverfisslys

Umhverfisráðherra sagði mikinn fjölda grænna svæða á höfuðborgarsvæðinu og utan þéttbýlisins. Aðgengi Íslendinga að grænum svæðum væri þó ekki gott í samanburði við hin OECD-ríkin.

Guðlaugur Þór taldi alveg ljóst að græn svæði yrðu fyrir raski vegna áforma um þéttingu byggðar og nefndi hann m.a. byggingaráform við Elliðaárdal og Laugardal. 

Hvað varðar landfyllingu í Skerjafirði var ráðherrann ómyrkur í máli og sagði það stefna í stórt umhverfisslys.

Tengdar fréttir

Umhverfisvitund

Endurnotkunarmenning ríkir á Íslandi

• Málflutningur VG „ómarkviss“ í umhverfismálum
• Hætta á að Vesturlöndin kaupi sig frá aðgerðum gegn losun
• Heildarflatarmálið stækkar við endurskoðun
• Fanga losun frá stóriðju og nýta í eldsneyti

» Fleiri tengdar fréttir

• Blogga um frétt