Biskupsbeinin segi frá sóttunum
Setja bókamerki
Erlendir sérfræðingar munu í sumar taka sýni úr jarðneskum leifum Skálholtsbiskupa fyrri alda í því skyni að finna svör við ýmsum spurningum um farsóttir sem geisuðu á Íslandi á öldum áður.
„Sagan og lífsreynslan býr í beinunum og að því leyti er þetta mjög mikilvægt verkefni á sviði ýmissa fræðigreina,“ segir sr. Kristján Björnsson vígslubiskup í samtali við Morgunblaðið.
Jarðsettir í kirkjunni
Biskupar í Skálholti fyrr á tíð sátu þar flestir til dánardægurs og voru jarðsettir í kirkjunni. Legstaðir þeirra og eiginkvenna voru vel merktir og margir með stórum og áberandi legsteinum í gólfi Brynjólfskirkju sem var á þeim stað þar sem núverandi kirkja í Skálholti er.
Áður en bygging kirkjunnar hófst var gerð ítarleg fornleifarannsókn í garðinum og þá meðal annars fjarlægð bein biskupa sem vitað var hverjir voru. Þeim var komið fyrir í litlum kistum í kjallara kirkjunnar.
Þetta er fólk 17. og 18. aldar og þarna má tiltaka nöfn eins og Jón Vídalín, Jón Árnason, Finn Jónsson og Hannes Finnsson, Guðríði Gísladóttur og barnabörn, Sigríði Vídalín og fleiri. Athugun á beinum þessara manna gerir dr. Joe Wallace Walser III frá Lundúnum, sérfræðingur í mannabeinum, en nú starfsmaður Þjóðminjasafns Íslands.
Nánari umfjöllun er að finna í Morgunblaðinu í dag.
Íbúar komnir heim á ný
Náðun stuðningsmanna Trumps vekur ólík viðbrögð
Stakk móður sína yfir tuttugu sinnum
Ákærður fyrir tilraun til manndráps
Stefnt að afgreiðslu Íslandsbankasölu á vorþingi
Viðurkennir ábyrgð og segir af sér