Á sama stað þrátt fyrir heimaverkefni
Setja bókamerki
Viðræður BSRB og SNS hófust að nýju fyrir stundu í Karphúsinu. Sonja Ýr Þorbergsdóttir, formaður BSRB, segir margt til umræðu við samningsborðið, en þó helst jöfn laun fyrir jöfn störf innan og þvert á sveitarfélög.
Sonja segir enn bil á milli samningsaðila, en að hún finni fyrir samningsvilja og að allir séu að leggja sig fram við að finna lausn á deilunni. Hún kveðst þó vera með mjög skýrt umboð frá sínu félagsfólki, sem hafi lagt fram skýrar kröfur um hvernig megi ganga frá samningum.
Aldís Sigurðardóttir, annar tveggja sáttasemjara í málinu sagði stöðuna þunga, þrátt fyrir að samningsvilji væri enn til staðar, en hún sendi báða aðila heim í gærkvöldi með heimavinnu.
Á sama stað þrátt fyrir heimaverkefni
Sonja segir ríkt tilefni til að þessi hópur, sem sé einn sá lægst launaði í samfélaginu, leggi niður störf til að fara fram á betri kjör, en hópurinn hefur ekki lagt störf niður frá árinu 1984.
„Þau ætla ekki að una við það að þau búi við mismunandi launakjör og einhver annar sem er í nákvæmlega sama starfi inni á vinnustaðnum, eða sambærilegum í sveitarfélaginu.“
Fulltrúar ríkissáttasemjara gáfu bæði fólki BSRB og SNS eins konar heimavinnu fyrir fundinn í dag, þ.e. að ræða við sitt fólk og hugsa upp á nýjum lausnum.
Spurð hvort slíkt hafi tekist til hjá BSRB segir Sonja þau í raun vera á sama stað.
„Við erum með mjög skýr fyrirmæli frá okkar fólki um hver niðurstaðan á að vera.“
Sömu laun hjá hinum sveitarfélögunum og hjá Reykjavíkurborg
Spurð hvort eitthvað eitt ágreiningsmál sé að vefjast fyrir í samningaviðræðum segir Sonja margt til umræðu við samningsborðið, en að þau leggi mikla áherslu á jöfn laun innan vinnustaða og þvert á sveitarfélög.
„Við erum með mjög skýrt umboð frá okkar félagsfólki um hvernig við megum ganga frá þessu. Kröfurnar eru skýrar um réttláta kjarasamninga sem fellst í því að jafna laun innan sveitarfélaganna og innan vinnustaðanna á ársgrundvelli og sömuleiðis þvert á sveitarfélögin. Þannig að það séu sömu laun, fyrir sömu störf hjá Reykjavíkurborg og hinum sveitarfélögunum.“
„Sársauki okkar er nístandi“
Ætla ekki að skila peningnum
„Þetta er ógnvænleg staða“
Viðurkennir ábyrgð og segir af sér
Efla vill semja beint við dagforeldra
Stefnt að afgreiðslu Íslandsbankasölu á vorþingi
Ekki tekist að vernda börn þrátt fyrir vitneskju