Ofurölvi með ógnandi hegðun

Tilkynnt var um ofurölvi einstakling sem sýndi af sér ógnandi hegðun í miðbæ Reykjavíkur.

Hann var vistaður í fangageymslu lögreglu þangað til víman rennur af honum.

Lögreglunni barst tilkynning um annan ofurölvi einstakling sem var til vandræða á skemmtistað í miðbænum, að því er kemur fram í dagbók lögreglunnar á höfuðborgarsvæðinu vegna verkefna frá klukkan 17 í gær til klukkan 5 í morgun.

mbl.is/Eggert Jóhannesson

Tilkynnt var um þjófnað úr verslunarmiðstöð í hverfi 103, auk þess sem ökumaður bifreiðar var stöðvaður við eftirlit grunaður um akstur undir áhrifum áfengis. Hann reyndist einnig sviptur ökuréttindum.

Í umdæmi lögreglunnar í Hafnarfirði og Garðabæ var tilkynnt um innbrot í bifreið og er málið í rannsókn.

mbl.is/Hari

Ökumaður bifreiðar var sömuleiðis stöðvaður við almennt umferðareftirlit. Reyndist hann vera á negldum hjólbörðum og þá voru börn í bifreiðinni ekki í viðeigandi öryggisbúnaði.

Í umdæmi lögreglunnar í Kópavogi og Breiðholti var tilkynnt um ölvaðan einstakling sem hafði dottið og hlotið við það höfuðáverka.

• Blogga um frétt