Segir sér hafa verið sagt upp vegna skoðanapistils

Kristjáni Hreinssyni rithöfundi hefur verið sagt upp störfum hjá Háskóla Íslands, þar sem hann kenndi námskeið við Endurmennt. Hann greinir frá þessu á facebook-síðu sinni þar sem hann segir jafnframt að uppsögnin hafi komið til vegna skoðanapistils sem hann birti á dögunum.

Í samtali við mbl.is segir hann að tíðinda megi vænta af hans hálfu á næstu dögum en vildi ekki gefa meira upp að svo stöddu.

Kristján skrifaði skoðanapistil á Facebook sinni á dögunum þar sem hann sagði að fólk gæti ekki fæðst í röngum líkama. Hefur pistillinn verið túlkaður sem árás á transfólk en Kristján þvertekur fyrir það.

Hann segir þetta vera skoðanakúgun af hálfu háskólans og miðað við athugasemdakerfið undir facebook-pistli hans má ætla að hann sé alvarlega að íhuga að stefna háskólanum fyrir uppsögnina.

• 1 blogg um fréttina

Bloggað um fréttina

• Páll Vilhjálmsson: Sértrúarháskóli Íslands