Tólf hljóta Fulbright-styrk

Tólf Íslendingar hljóta í ár Fulbright-styrk, sem samnefnd stofnun veitir íslenskum og bandarískum náms- og fræðimönnum árlega.

Samkvæmt tilkynningu frá stofnuninni var móttaka til heiðurs íslensku styrkþegunum haldin 6. júní í Iðnó. Fengu þar níu Íslendingar styrk til framhaldsnáms og rannsókna við bandaríska háskóla, og þrír styrk til sumarnámskeiða í Bandaríkjunum.

Íslendingarnir sem hljóta Fulbright-styrk:

• Arnhildur Tómasdóttir, til mastersnáms í erfðaráðgjöf við Stanford-háskóla
• Gríma Irmudóttir, til mastersnáms í heimildarmyndagerð við Northwestern-háskóla
• Hrafnkell Guðjónsson, til mastersnáms í mannréttindalögfræði við Kaliforníuháskóla, Berkeley
• Ivana Nikolic, til mastersnáms í mannréttindalögfræði við Harvard-háskóla
• Jónatan Hróbjartsson, til mastersnáms í viðskiptalögfræði við Duke-háskóla
• Sigurbjörn Bernharð Edvardsson, til mastersnáms í alþjóðalögum við Harvard-háskóla
• Emil Dagsson, til doktorsrannsókna í hagfræði við Brown-háskóla
• Guðbjörg Ríkey Thoroddsen, til doktorsrannsókna í alþjóðasamskiptum við Harvard-háskóla
• Sólveig Sanchez, til doktorsrannsókna í umhverfisfræði við Kaliforníuháskóla
• Eybjört Ísól Torfadóttir, til þátttöku á sumarnámskeiði við Wisconsin-háskóla
• Þór Ástþórsson, til þátttöku á sumarnámskeiði við Wisconsin-háskóla
• Embla Rún Halldórsdóttir, til þátttöku í sumarnámsstefnu á sviði umhverfismála við Shippensburg-háskóla

• Blogga um frétt