Seðlabankinn og ríkið sýknuð af kröfu Arion

Landsréttur staðfesti niðurstöðu Héraðsdóms Reykjavíkur um að sýkna Seðlabanka Íslands og íslenska ríkið af kröfum Arion banka um að fella úr gildi 87.000.000 kr. stjórnvaldssekt sem lögð var á bankann.

Frétt af mbl.is

Arion banka gert að greiða 88 milljóna sekt

Sekt­in var lögð á Ari­on banka fyr­ir að hafa ekki birt eins fljótt og auðið var inn­herja­upp­lýs­ing­ar um fyr­ir­hugaðar hagræðing­araðgerðir hjá bank­an­um í sept­em­ber árið 2019.

Fram kom í frétt Mann­lífs á þess­um tíma að sam­kvæmt heim­ild­um vef­miðils­ins yrði allt að 80 manns sagt upp störf­um hjá Ari­on banka. Bank­inn staðfesti upp­sagn­irn­ar ekki fyrr en nokkr­um dög­um síðar, eða 26. sept­em­ber 2019.

Áhrif á verðmæti bankans

Fjár­mála­eft­ir­litið taldi þetta vera dæmi um inn­herja­upp­lýs­ing­ar sem gætu haft áhrif á verðmæti bank­ans.

Ari­on banki taldi sig ekki hafa borið skylda til að bregðast við frétt Mann­lífs og birta inn­herja­upp­lýs­ing­arn­ar sem bank­inn hafði frestað birt­ingu á eft­ir að frétt­in birt­ist. Bank­inn sagði m.a. að inn­herja­upp­lýs­ing­arn­ar sem hann frestaði birt­ingu á hafi ekki birst í frétt Mann­lífs og að upp­lýs­ing­arn­ar i frétt­inni hafi því ekki bein­lín­is tengst inn­herja­upp­lýs­ing­um.

Fjár­mála­eft­ir­litið sagðist ekki draga í efa að ákvörðun Ari­on banka um að fresta birt­ingu á inn­herja­upp­lýs­ing­um í upp­hafi hafi verið í sam­ræmi við lög. Á bank­an­um hafi hins veg­ar hvílt rík laga­skylda til að tryggja trúnað um inn­herja­upp­lýs­ing­arn­ar þegar hann nýtti und­an­tekn­ing­una og þegar skil­yrði frest­un­ar voru ekki leng­ur fyr­ir hendi. Þá hafi hon­um borið að birta upp­lýs­ing­arn­ar eins fljótt og auðið var.

Niðurstaðan staðfest

Landsréttur staðfesti niðurstöðu héraðsdóms um að hafna kröfu Ari­on banka. Sú ákvörðun að fresta birt­ingu inn­herja­upp­lýs­inga í rúma þrjá sól­ar­hringa hafi því verið í and­stæðu við lög, vegna þess að til­kynn­ing­ar­skylda bank­ans hafi verið virk um leið og inn­herja­upp­lýs­ing­arn­ar birt­ust 22. sept­em­ber.

Þá ber Arion banka að greiða Seðlabankanum og ríkinu málskostnað fyrir Landsrétti, samtals 1.000.000 kr. 

• Blogga um frétt