„Þetta var ekki einfalt og þetta var ekki auðvelt fyrir neinn,“ segir Aldís Sigurðardóttir, annar tveggja sáttasemjara í kjaradeilu BSRB og SÍS.

Frétt af mbl.is

Búið að semja og öllum verkföllum aflýst

Hún segir fólkið, hverra kjör deilan snerist um, og samfélagslega ábyrgð hafa verið samningsaðilum efst í huga, þegar samningar voru undirritaðir í Karphúsinu í morgun.

„Samningafólk á mikið hrós skilið fyrir að ná samkomulagi í þessari erfiðu stöðu sem þau voru í,“ segir Aldís og bætir við að samningsaðilar hafi sýnt bæði mikla þrautseigju og útsjónarsemi, en að deilan hafi engu að síður verið erfið og snúin. 

Frétt af mbl.is

„Við fórum eins langt og við gátum“

Frétt af mbl.is

„Það fara báðir jafnsáttir og ósáttir frá borði“

Elísabet S. Ólafsdóttir (t.v.) og Aldís Sigurðardóttir (t.h.) sáttasemjarar ásamt samninganefndum BSRB og SÍS við undirritun kjarasamninga í morgun. Ljósmynd/Aðsend

Báðir aðilar lögðu niður vopn

Samningar náðust að lokum þegar báðir aðilar féllust á innanhústillögu um sáttagreiðslu til félagsmanna, en Aldís segir samkomulagið hafa falið í sér að báðir aðilar „leggðu niður vopn.“

„Þetta er ekki þessi afturvirkni, eða eingreiðsla út af þessu. Þetta er bara tillaga frá okkur um sáttagreiðslu til lúkningu þessa máls.“

Aldís og Elísabet S. Ólafsdóttir annar sáttasemjari í málinu lögðu fram tillöguna á fjórða tímanum í nótt, en að sögn Aldísar töldu þær það einu leiðina til að leysa deiluna. 

Tengdar fréttir

Kjaraviðræður

Hefja undirbúning verkfalla

• Staðan óljós eftir fund kennara og sveitarfélaga
• „Fram að því er heimavinna“
• Verkföll í framhaldsskólum gætu orðið ótímabundin
• „Nú gilda reykfylltu bakherbergin“

» Fleiri tengdar fréttir

• Blogga um frétt