Sonja Ýr Þorbergsdóttir, formaður BSRB, kveðst temmilega sátt með niðurstöðu kjaraviðræðna, en segir deiluna hafa tekið mun lengri tíma en hún hefði nokkurn tíma átt von á. Hún segir næsta lið nú taka við, það er atkvæðagreiðslu félagsfólks BSRB, sem þurfi að samþykkja samninginn.

Nýr kjara­samn­ing­ur var und­ir­ritaður milli BSRB og Sam­bands ís­lenskra sveit­ar­fé­laga í morgun og öll­um verk­föll­um af­lýst.

Frétt af mbl.is

Búið að semja og öllum verkföllum aflýst

Í samtali við mbl.is segir Sonja fundarlotuna hafa verið ansi langa, en fundir í Karphúsinu stóðu yfir frá því í gærmorgun þangað til klukkan 7.15 í morgun, þegar samningar voru undirritaðir, eða í um 21 klukkustund.

Sáttasemjari réð úrslitum

„Þetta var ansi löng lota,“ segir Sonja í samtali við mbl.is.

„Það sem réð í raun útslitum var að sáttasemjari lagði fram innanhússtillögu. Þá fór samtalið í gang af alvöru,“ segir Sonja og bætir við að sáttasemjari hefði gengið mikið á milli samningsaðila. 

Frétt af mbl.is

„Það fara báðir jafnsáttir og ósáttir frá borði“

„Við fórum eins langt og við gátum,“ segir hún, spurð hvort samningsaðilar BSRB séu sáttir við sáttagreiðsluna sem nemur 105.000 krónum. Greiðslan var innanhústillaga sáttasemjara, en undir lokin snerist deilan aðeins um eitt atriði, það er eingreiðslu að fjárhæð 128.000 krónur, sem BSRB fór fram á.

„Við höfum sagt frá upphafi að skoða allar mögulegar leiðir til að finna sátt og í ljósi þess hvernig gekk í viðræðum töldum við ekki að við myndum ná lengra.“

Tengdar fréttir

Kjaraviðræður

Hefja undirbúning verkfalla

• Staðan óljós eftir fund kennara og sveitarfélaga
• „Fram að því er heimavinna“
• Verkföll í framhaldsskólum gætu orðið ótímabundin
• „Nú gilda reykfylltu bakherbergin“

» Fleiri tengdar fréttir

• Blogga um frétt