Þrír dælubílar í tæplega fjóra tíma

Slökkviliðs- og sjúkraflutningamenn hafa haft í nógu að snúast en boðanir fyrir sjúkrabifreiðar voru 117 talsins síðasta sólarhringinn sem er talsvert mikið um helgi.

Slökkvilið höfuðborgarsvæðisins greinir frá þessu í Facebook-færslu. Af verkefnunum 117 voru 37 forgangsverkefni og var 23 verkefnum sinnt eftir miðnætti.

Boðanir á dælubíla voru fjórar og var stærsta verkefnið eldur sem kom upp á bifreiðaverkstæði á Esjumelum á ellefta tímanum í gærkvöldi.

Frétt af mbl.is

Eldur kviknaði í bifreiðaverkstæði á Esjumelum

Þrír dælubílar voru sendir á vettvang og tók vinna á vettvangi tæplega fjórar klukkustundir. Fór mesti tíminn í að reykræsta.

• Blogga um frétt