Neituðu báðir sök á ný
Setja bókamerki
Fyrirtaka í hryðjuverkamálinu svokallaða hófst rétt í þessu í Héraðsdómi Reykjavíkur. Héraðssaksóknari hefur gefið út nýjar ákærur á hendur Sindra Snæ Birgissyni og Ísidóri Nathanssyni og verða þær birtar við fyrirtöku málsins.
Sindri og Ísidór eru viðstaddir fyrirtökuna í héraðsdómi, ásamt verjendum þeirra, Sveini Andra Sveinssyni og Einari Oddi Sigurðssyni. Þeir neituðu báðir sök við fyrirtöku málsins.
/frimg/1/42/4/1420404.jpg)
Karl Ingi Vilbergsson, saksóknari hjá embætti héraðssaksóknara, sækir málið.
Málin tvö sameinuð
Héraðsdómur vísaði hryðjuverkahluta málsins frá í febrúar vegna óskýrs orðalags í ákæru. Landsréttur staðfesti úrskurð héraðsdóms í mars en klofnaði í afstöðu sinni.
Í úrskurði sínum sagði Landsréttur að ákæruvaldið hefði þurft að tilgreina mun skýrar og nákvæmar í ákærunum hvaða orðfæri og yfirlýsingar í samskiptum þeirra Sindra Snæs og Ísidórs það teldi sýna að Sindri hefði tekið ákvörðun um að fremja hryðjuverk.
Fyrirtöku í vopnalagahluta málsins var frestað í liðnum mánuði meðal annars vegna þess að ákvörðun hafði ekki verið tekin um að gefa út nýjar ákærur í hryðjuverkahluta málsins. Málin tvö hafa nú verið sameinuð.
Við höfum „runnið til baka niður brekkuna“
Byssuskot forsenda athygli
Lífríki Mývatns er að taka við sér
Kourani áfrýjar dómnum
Mikið magn af rauðvínspóstum eftir helgar
Tjón eftir úrkomumet: „Landslagið er gjörbreytt“
Gæti tilkynnt varaforsetaefnið á hverri stundu
Lögreglustjóri gerður afturreka