„Þessar tölur frá Háskóla Íslands eru ótrúlega ánægjulegar og langt umfram væntingar,“ segir Áslaug Arna Sigurbjörnsdóttir háskóla-, iðnaðar- og nýsköpunarráðherra um fyrstu aðsóknartölur í Háskóla Íslands, en þar kemur fram að fjölgun er í umsóknum beggja kynja, en á meðan umsóknum kvenna hefur fjölgað um 2% hefur umsóknum karla fjölgað um 13%.
Eins og fjallað hefur verið um setti ráðuneyti Áslaugar Örnu af stað átak í aprílmánuði til að reyna að fjölga umsóknum stráka um háskólanám, en mikil slagsíða hefur verið á aðsókn þeirra í háskólanám og síðastliðin fjögur ár hafa þeir aðeins verið 34-35% umsækjenda í Háskóla Íslands.
Áslaug Arna segir að áður en átakið hófst hafi verið gerðar kannanir á viðhorfum framhaldsskólanema á útskriftarári og þær niðurstöður hafi verið notaðar til að höfða til þess að fleiri strákar sæju kostina við háskólanám en myndu ekki fresta eða sleppa því.
Nánari umfjöllun er að finna í Morgunblaðinu í dag.